A
A
Լեւոն Արոնյանը գեղեցիկ հաղթանակ տարավ
Հայաստանի ուժեղագույն շախմատիստ Լեւոն Արոնյանը երկրորդ անընդմեջ հաղթանակը տարավ Լոնդոնում ընթացող շախմատի չեմպիոնի կոչման հավակնորդների մրցաշարում:
Երրորդ տուրում մեր շախմատիստը սեւերով մրցեց ուկրաինացի Վասիլի Իվանչուկի հետ: Լեւոն Արոնյանը հենց սկզբից դիմեց ակտիվ գործողությունների եւ մրցակցին ստիպեց մերկացնել թիկունքը: Պարտիայի միջնամասում նա չնայած զոհաբերեց նավակները, սակայն թագուհով անկասելի գրոհ ձեռնարկեց սպիտակների անպաշտպան թագավորի վրա եւ 33-րդ քայլին ստիպեց անձնատուր լինել:
Այդպիսով, Լեւոն Արոնյանը վաստակեց 2,5 միավոր եւ միանձնյա գլխավորեց աղյուսակը: Վաղը մրցաշարում առաջին ազատ օրն է, իսկ մարտի 19-ին նախատեսված 4-րդ տուրում մեր շախմատիստը սպիտակներով կմրցի ռուսաստանցի Պյոտր Սվիդլերի հետ:
