Ծեծ՝ հատակի փայտերով (տեսանյութ)
«Որպես կանոն ոստիկանության բաժին ընկնողը ենթարկվում է հոգեբանական ճնշումների, ֆիզիկական բռնություններ` ծեծ հատակի փայտերով, էլեկտրաշոկով, ոտքերի տակ գցելով»,- ասում է Հայաստանի Հելսինկյան կոմիտեի նախագահ Ավետիք Իշխանյանը:
Կոմիտեն արձանագրել է` չեն պահպանվում ամենակարևոր սկզբունքները` ազատազրկման պահին փաստաբան ունենալու, հարազատներին զանգ տալու, բժշկի ծառայություններից օգտվելու իրավունքները: Ուսումնասիրությունները ցույց են տվել, որ մի քանի ամսվա ընթացքում ձերբակալվածների պահման վայրերում գտնվող 137 կալանավորներից պաշտպան են ունեցել ընդամենը երեքը:
Մեկ այլ խնդիր է կալանավայրերի գերծանրաբեռնվածությունը: Թեև անձի նկատմամբ կալանքը որպես խափանման միջոց պետք է ընտրվի միայն բավարար հիմքերի դեպքում, այսօր Հայաստանում պատկերը բոլորովին այլ է:
Մանրամասները տեսանյութում
