21-ամյա վորորդը մահացել է
Մայիսի 8-ին, ժամը 03.47-ին, ահազանգ է ստացվել, որ Վայոց ձորի մարզի Վայք-Եղեգնաձոր ավտոճանապարհին` Մալիշկա գյուղի մոտակայքում, տեղի է ունեցել ՃՏՊ:
Դեպքի վայր է մեկնել մեկ մարտական հաշվարկ:
Դեռևս չբացահայտված հանգամանքներում Երևան-Մեղրի ավտոճանապարհի 125-րդ կմ-ում «ԲՄՎ» մակնիշի 84 MP 888 պ/հ ավտոմեքենան դուրս է եկել ճանապարհի երթևեկելի մասից և ընկել հարակից ձորը:
Վարորդ` 1992 թ. ծնված Գարիկ Ղազարյանը տեղում մահացել է: Ուղևոր` 1992 թ. ծնված Արմեն Վարդանյանը, ինքնուրույն դուրս է եկել ճանապարհի երթևեկելի հատված:
Հրշեջ-փրկարարներն ուղևոր` 1992 թ. ծնված Տարոն Հովհաննիսյանին դուրս են բերել ավտոմեքենայից:
Ուղևորներ Ա. Վարդանյանը և Տ. Հովհաննիսյանը տեղափոխվել են Եղեգնաձորի բժշկական կենտրոն: Բժիշկները տուժածների առողջական վիճակը գնահատել են միջին ծանրության:
Այս մասին հաղորդում է Արտակարգ իրավիճակների նախարարությունը։
