Եվ ոչ միայն մեկ հայ
Նյու Յորքի Սրբոց Նահատակաց ամենօրյա վարժարանում, տեղի ունեցավ «Ժառանգությունների» շաբաթ ՝ նվիրված Մեծ Եղեռնի 98-րդ տարելիցին:
Համերգի ծրագրին մասնակցեցին վարժարանի 1 - 5 դասարանի աշակերտները, իսկ ավարտական դասարանի աշակերտները կատարեցին` «Ձոն»՝ Սայաթ Նովայի 300-- ամյակի առթիվ:
«Մենք ցանկանում ենք մի նոր ծլած, նոր սերունդով հարգանքի տուրք մատուցել անմեղ զոհերի հիշատակին : Թուրքերի ցանկությունն էր՝ մնար մեկ հայ այն էլ թանգարանի համար: Ահավասիք մենք նոր սերունդ կաճեցնենք»,- երեկոն բացելով՝ ասաց վարժարանի տնօրենուհի՝ Զարմինե Պողոսյանը:
Երգչախմբի ղեկավար Անահիտ Պողոսյանի ղեկավարությամբ, տարբեր տարիքի երեխաների երգչախմբերը կատարեցին հայ կոմպոզիտորների ստեղծագործությունները՝ դպրոցի դաշնակահար Նվարդ Տատուրյանի նվագակցությամբ:
Տպավորիչ էր ջութակահարների անսամբլի ելույթը՝ Դիանա Վասիլյանի ղեկավարությամբ: Ելույթ ունեցան նաեւ անհատ կատարողներ:
Երեկոյի Պատվավոր հյուրն էր, արեւմտահայ անվանի գրող՝ Արամ Հայկազի դուստրը՝ Ալիս Հայկազի - Չեքենյանը, որին ներկաները ըդունեցին հոտըկայս ծափահարություններով: Համերգի ավարտից հետո իր գոհունակությունն ու շնորհակալությունը հայտնեց Սրբոց Նահատակաց եկեղեցու հովիվ՝ Արժ. Տ. Աբրահամ Քհնյ. Մալխասյանը:
Ռոբերտ Կարապետյան
Նյու Յորք
Լուսանկարները՝ հեղինակի
