Ադրբեջանցի հաքերները պասիվացել են
Այս տարի ապրիլի 24-ին եւ մայիսի 9-ին ադրբեջանական հաքերային խմբերի կողմից, տարօրինակ կերպով, ոչ մի հարձակում չի եղել. այսօր այս մասին հայտնեց տեղեկատվական անվտանգության փորձագետ Սամվել Մարտիրոսյանը:
Նա նշում է, որ միայն մայիսի 8-ին ադրբեջանական հաքերային խմբերի կողմից հայկական 10 կայք հարձակման տակ հայտնվեց:
«Սակայն երկու կողմից էլ այդ կայքերը ինչ որ յուրահատուկ կայքեր չէին, ավելի շատ սոցիալական բնույթ էին կրում»,-ասում է Մարտիրոսյանը:
Խոսելով հայակական կողմի մասին՝ փորձագետը նշում է, որ հայկական կիբեռբանակը մի շարք ադրբեջանական կայքեր կոտրել է ապրիլի 24-ին, այնուհետեւ մայիսի 9-ին:
Փորձագետը բացատրում է, որ ադրբեջանական հաքերային խմբերի պասիվությունը առաջին հերթին պայմանավորված է նրանով, որ ցեղասպանության թեմայով կայքերը բավականին լավ պաշտպանված են:
«Մյուս կողմից շատ հավանական է, որ սպառվել էր հնարավորությունները։ Հնարավոր է, որ ուղղակի սպառվել էր կոնկրետ ինչ որ թիրախ կայքերը»,-հավելում է Մարտիրոսյանը:
