Բացել լրահոսը Փակել լրահոսը
A A

Հանդիպում Ավստրիայի ՍԴ նախագահի հետ

Պաշտոնական
77e53bd8e209939fa2688d499b8ab4ef

 

Սերժ Սարգսյանն այսօր ընդունել է Ավստրիայի սահմանադրական դատարանի

պատվիրակության անդամներին՝ Ավստրիայի ՍԴ նախագահ Գերհարդ Հոլզինգերի գլխավորությամբ:

Սերժ Սարգսյանը կարևորել է Ավստրիայի հետ տարբեր ոլորտներում համագործակցության հետագա խորացումն ու ընդլայնումը, այդ թվում՝ արդարադատության բնագավառում, նկատի առնելով, որ հատկապես այդ բնագավառում Ավստրիան բավականին մեծ ճանապարհ է անցել և կուտակած հարուստ փորձով կարող է օգտակար լինել:

Ըստ Սերժ Սարգսյանի՝ Հայաստանը դատաիրավական համակարգում բարեփոխումներ իրականացնելու գործում սերտ համագործակցում է նաև եվրոպական գործընկերների հետ:

Գերհարդ Հոլզինգերը նշել է, որ Ավստրիայի Սահմանադրական դատարանը մեծ կարևորություն է տալիս Եվրոպայի մյուս պետությունների սահմանադրական դատարանների հետ կապերին և ուրախ է Հայաստանի Սահմանադրական դատարանի գործընկերների հետ սերտ և արդյունավետ համագործակցության նման հնարավորության համար:

Հանդիպման ժամանակ նա ներկայացրել է նաև Ավստրիայի Սահմանադրական դատարանի դերն ու նշանակությունը երկրի արդարադատության համակարգում:

ՀՀ նախագահի աշխատակազմ