Մադոյանի այսօրվա կատարումը կուղարկվի Գինեսի ռեկորդների գրասենյակ (տեսանյութ)
Պագանինիի 6 կոնցերտների կատարումը մեկ երեկոյի ընթացքում. սա Գինեսի գրքում գրանցվելու հավակնություն է: Ջութակահար Նիկոլայ Մադոյանին այդ ռեկորդից բաժանում է ընդամենը մեկ քայլ։ Վերջին՝ գլխավոր փորձը երեկ էր։ Անհանգստությունն ու սրտի թրթիռը երիտասարդ ջութակահարը թաքցնել չի կարողանում, թեեւ հավատում է՝ ամեն ինչ լավ կլինի։ «Տրամադրությունս բարձր է, երաժշտության մեջ եմ, միստիկ կերպարի մեջ եմ, անբացատրելի տրամադրություն է՝ չեմ կարում բացատրեմ»,- մեզ հետ զրույցում ասում է նա։ Այսօր երեկոյան 4 ժամ անընդմեջ, Նիկոլայ Մադոյանը օպերայի եւ բալետի ազգային ակադեմիական թատրոնի սիմֆոնիկ նվագախմբի հետ՝ Կարեն Դուրգարյանի գլխավորությամբ, կկատարի Պագանինիի բոլոր 6 կոնցերտները։ Բացի հանդիսատեսից, նրա համերգին կհետեւի Գինեսի ռեկորդների հայաստանյան գրասենյակի անկախ փորձագետների խումբը, կտեսաձայնագրեն այն եւ կուղարկեն գինեսի համաշխարհային ռեկորդների գրասենյակ։ Դիտեք երեկվա փորձի մասին տեսանյութը
