Открыть ленту Закрыть ленту
A A
Видео

ՀԱԿ-ի քարոզարշավը մարզերում (видео)

Հայ Ազգային կոնգրեսն իր նախընտրական արշավն սկսում է զգուշացումներով, թե ինչ է սպասվում այս իշխանություններին։ «Սպասեք մենք իշխանության գանք, հլը տենանք երեկվա կամ էսօրվա իշխանությունը որտեղ կհայտնվի»,- ասում է տնտեսագետ Հրանտ Բագրատյանը։ Կոնգրեսի ներկայացուցիչ Նիկոլ Փաշինյանը ապարանցիներին հիշեցնում է, որ Սերժ Սարգսյանն իշխանությունը վերցրեց արյան մեջ խեղդելով ժողովրդի քվեն եւ ինքը դա չի մարսելու. «Ռոբերտ Քոչարյանը եւ Սերժ Սարգսյանը պետք է իմանան, որ մեր արյունը չեն մարսելու, իրենք խեղդվելու են մեր արյան մեջ»։ Կոնգրեսի առաջնորդ Լեւոն Տեր-Պետրոսյանը ապարանցիներին տեղյակ է պահում, որ երկիրը կործանվում է, երեխաները մեծանում են առանց հայր. «Ուղղակի կործանվում, վերանում է աշխարհի քարտեզից մի խումբ մարդասպանների պատճառով»։ Ըստ Կոնգրեսի ղեկավարի, ընտրողը պետք է հիշի, որ այս իշխանությունն ընտրակաշառք բաժանելով չի հաղթելու, եթե հաղթեր՝ չէր կեղծի ընտրությունները 1998-ից սկսած։ Նա կոչ է անում՝ ով ընտրակաշառք է վերցրել, թող չպարտավորվի իր արածով. «Ով վերցրել է, թքի դրանց վրա, գնա քվեարկի այնպես ինչպես իր սիրտն է թելադրում»։