Անձնագրերի պակաս չի լինի (видео)
Поддержи А1+!Մի քանի օրից բոլոր քաղաքացիները կարող են անձնագրեր ստանալ։ Այսօր խոստացավ անձամբ ՀՀ ոստիկանության Անձնագրերի եւ վիզաների վարչության պետ Հովհաննես Քոչարյանը. «Անձնագրերի սղություն կա, սակայն սղությունը պայմանավորված է նրանով, որ ոչ թե կեղծ անձնագրեր են տպագրվում, այլ նրանով, որ աճել է անձնագրերի պահանջարկը»։ Ըստ պարոն Քոչարյանի՝ նոր անձնագրերը Ֆրանսիայից Երեւան կհասնեն այսօր։ Հանրապետությունում անձնագրերի նկատմամբ պահանջարկի աճը Հովհաննես Քոչարյանը համարում է անկանխատեսելի: «Այսինքն հազարավոր քաղաքացիներ,ովքեր 1990-ին եւ 96-ին փաստաթղթավորվել են անձնագրով, դիմում են եւ իրենց անձնագիրը փոխում են, աձնագրավորվել են»,-ասաց նա։ Աձնագրերի եւ վիզաների վարչության պետն այսօր անդրադարձավ նաեւ առաջիկա խորհրդարանական ընտրություններին եւ մասնավորապես ընտրողների ցուցակներին: Նա վստահեցրեց, որ նախորդ ընտրությունների հետ համեմատ, այս անգամ ցուցակների անճշտությունների հետ կապված ահազանգերը նվազել են: Իսկ ցուցակներում տեղ գտած որոշ անճշտությունները, ըստ Հովհաննես Քոչարյանի, չեն կարող ազդել ընտրությունների արդյունքների վրա։ Այսօրվա դրությամբ՝ պաշտոնական տվյալներում Հայաստանում կա 2 մլն 482 հազար 593 ընտրող:
