Ն. Փաշինյանը` ՀՀԿ պատգամավորների վարքի մասին (տեսանյութ)
ՀՅԴ եւ ՀՀԿ հրավիրած արտահերթ նիստում ՀԱԿ պատգամավոր Նիկոլ Փաշինյանը, հարց ուղղելով ամբիոնից ելույթ ունեցող ՀՅԴ խմբակցության ղեկավար Արմեն Ռուստամյանին, խոսեց առավոտյան ՀՀԿ պատգամավորների կեցվածքից: Նշենք, որ ՀՀԿ պատգամավոր Առաքել Մովսիսյանը «Ժառանգության» պատգանավոր Զարուհի Փոստանջյանի հասցեին ուղղել էր վիրավորական արտահայտություններ, ինչպես նաեւ վիրավորել Նիկոլ Փաշինյանին: Պարոն Փաշինյանը հայտարարեց, որ դա փողոցային բառապաշար է, ու եթե տվյալ պատգամավորները բան ունեն ասելու, թող հերթագրվեն ու արտահայտվեն. «Թե վախենում են բառապաշարի ինսուլտ ստանալ»: Արմեն Ռուստամյանը նրան հակադարձեց` ասելով, որ եթե նրան վիրավորել են, դա դեռ չի նշանակում, որ նույն կերպ նա պետք է պատասխանի ու դա իրենց այսօր ընդնունվելիք հայտարարության հետ կապ չունի: Նիկոլ Փաշինյանը հայտարարեց, որ դեմ է քվերակելու այդ հայտարարությանը, որը պետք է ընդունեն ՀՀԿ-ն ու ՀՅԴ-ն` դատապարտելով ՀԱԿ խմբակցության քարտուղար Արամ Մանուկյանի ու մյուսների նկատմամբ իրականացված բռնությունները:
