Ի պատասխան ՀՀԿ-ի տշած գնդակի. լուսանկարներ
ԱԺ պատգամավոր Նիկոլ Փաշինյանը Սերժ Սարգսյանի երեկվա ելույթից հետո հետեւյալ հայտարարությունն է արել. «Առաջարկում եմ այսօր ԱԺ արտահերթ նիստ հրավիրել Սերժ Սարգսյանին պաշտոնանկ անելու հարցով: Որոշման պատրաստի նախագիծը կա, իսկ 44 պատգամավորի ստորագրություն կա: Իմ ստորագրությունը երաշխավորում եմ»:
Իսկ այսօր, ժամը 12-ին «Բարգավաճ Հայաստան» կուսակցության կենտրոնական գրասենյակում տեղի է ունենալու ԲՀԿ քաղաքական խորհրդի, ԱԺ ԲՀԿ խորհրդարանական խմբակցության եւ կուսակցության տարածքային կառույցների պատասխանատուների համատեղ ընդլայնված նիստ:
Ըստ ամենայնի, ԲՀԿ նիստում կընդունվի հայտարարություն՝ ի պատասխան Սերժ Սարգսյանի ելույթի, կամ Գագիկ Ծառուկյանն անձամբ հանդես կգա պատասխան ելույթով:
Հիշեցնենք, երեկ այս թեմայով ելույթ էր ունեցել նաեւ ՀՀԿ խոսնակ Էդուարդ Շարմազանովը եւ մասնավորապես ասել. «Գնդակն իշխանության դաշտում է, հիմա իշխանությունը գնդակը տշել է, թող վազելով հասնեն էդ գնդակին»։
