6 ԱՄԻՍ ՀԻՎԱՆԴՆԵՐԸ ԲՈՒԺՎՈՒՄ ԷԻՆ ԿԵՂԾ ԴԵՂՈՎ...
Աջակցիր «Ա1+»-ինԱհազանգ ստանալուց հետո «Դեղերի եւ բժշկական տեխնոլոգիաների փորձագիտական կենտրոնի կատարած լաբորատոր հետազոտություններից պարզվել է, որ «Զինացեֆ» 750 մգ դեղի «Զեֆուրօքսիմ» նյութի փոխարեն սրվակներում լցված է եղել «Ամպիցիլին»։
Շիրակի մարզպետարանի առողջապահության վարչության պետ Սաթենիկ Բեյբությանի հավաստմամբ, կեղծված դեղորայքը Գյումրիի ծննդատունը ստացել է մոտ վեց ամիս առաջ եւ այն օգտագործվել է մինչեւ 2006թ. փետրվարի 13-ը: Ծննդատան տնօրեն Վարդան Սարգսյանի տեղեկացմամբ, դեղն օգտագործվել է, սակայն բժիշկները նկատել են, որ «Զինացեֆ»-ը սպասված արդյունքը չի տալիս:
Դիմել են դեղ ներկրող «Գլաքսո-Սմիթ-Քլայն» ընկերության Գյումրիի ներկայացուցիչ՝ Արմեն Խաչատրյանին՝ դեղը փորձաքննության ենթարկելու խնդրանքով: «Պարզվել է, որ դեղը ստանդարտներին չի համապատասխանել»,- ասում է ծննդատան տնօրենը: Դեղի այդ խմբաքանակը գնել է Գյումրիի ծննդատան նախկին տնօրեն Ֆելիքս Գրիգորյանը: Այս պահին պատասխանատուն պնդում է, թե հստակ ասել հնարավոր չէ, թե որ խմբաքանակով եւ հատկապես ումից է գնվել դեղն ու հասել ծննդատուն:
Գյումրիի «Ցայգ» ՀԸ
