Մոգերինիի հայտարարությունը՝ ԼԳԲՏ համայնքի իրավունքների մասին
Եվրոպական միության անունից՝ Բարձր ներկայացուցիչ Ֆեդերիկա Մոգերինիի հայտարարությունը ս.թ. մայիսի 17-ի՝ հոմոֆոբիայի, տրանսոֆոբիայի և բիֆոբիայի դեմ պայքարի միջազգային օրվա կապակցությամբ Հոմոֆոբիայի, տրանսոֆոբիայի և բիֆոբիայի դեմ պայքարի միջազգային օրվա առիթով Երոպական միությունը վերստին հաստատում է անզիջում հանձնառությունը բոլոր մարդկանց իրավուքների հավասարության ու արժանապատվության նկատմամբ՝ անկախ նրանց սեռական կողմնորոշումից և գենդերային պատկանելիությունից: Ի հեճուկս վերջին տարիների առաջընթացին, գրեթե 80 երկրներում դեռևս գործում է նույն սեռի անձանց միջև հարաբերությունների քրեականացման իրավական նորմ: Շատ երկրներում լեսբուհի, գեյ, բիսեքսուալ, տրանսգենդեր և ինտերսեքս անձանց նկատմամբ բռնության ու խտրական վերաբերմունքի դեպքերը առօրյա երևույթներ են: ԵՄ-ն կրկին հորդորում է աշխարհի բոլոր երկրների կառավարություններին հավատարիմ մնալով իրենց ստանձնած միջազգային հանձնառություններին, ժխտել անհանդուրժողականությունն ու խրախուսել հավասարությունը՝ ինչպես ամրագրված է Մարդու իրավունքների համընդհանուր հռչակագրում և այլ գործիքներում: Այսօր ԵՄ-ն ցանկանում է հարգանքի տուրք մատուցել մարդու իրավապաշտպաններին, ակտիվիստներին, ԶԼՄ-ների լրագրողներին և քաղաքացիական հասարակության ներկայացուցիչներին, որոնք համարձակ ջանքեր են գործադրում անդրադառնալով ԼԳԲՏԻ անձնանց նկատմամբ իրականացվող խախտումներին: Նրանց կողմից ձեռնարկված ցանկացած քայլ վճռական է եղել այդ խնդիրների բացահայտման, չարաշահումների փաստարթղթավորման և մարդու հիմնարար իրավունքերի արդյունավետ պաշտպանության գործում: Մենք՝ բոլոր գործընկերների հետ համագործակցաբար, կշարունակենք առաջ մղել աշխարհի բոլոր մարդկանց իրավունքները՝ «ԼԳԲՏ անձանց իրավուքների մասին ԵՄ ուղենիշներին» և «Մարդու իրավունքների և ժողովրդավարության ԵՄ Գործողությունների ծրագրին» համահունչ: Եվրոպական միության Խորհուրդ
