ՆԱՎԹԸ ՀՈՍԵՑ
Աջակցիր «Ա1+»-ինԲաքու-Թբիլիսի-Ջեյհան նավթամուղով տեղափոխվել է առաջին ադրբեջանական նավթր: Այն տեղափոխվել է բրիտանական տանկեր Ջեյհանի թուրքական նավահանգստում:
Բաքու-Թբիլիսի-Ջեյհան նավթամուղի պաշտոնական բացման արարողությունը տեղի կունենա Ջեյհանում հունիսի 13-ին: Արարողությանը կմասնակցեն Թուրքիայի, Վրաստանի եւ Ադրբեջանի նախագահները:
Բաքու-Թբիլիսի-Ջեյհան նավթամուղը շատերի կողմից որակավորվում է «քաղաքական նավթամուղ»: Գաղտնիք չէ, որ Թուրքիան, Վրաստանը եւ Ադրբեջանը ունեն եվրոպամետ եւ ամերիկամետ ուղղվածություն, մինչդեռ Հայաստանը եւ Ղազախստանը ավելի շատ ռուսամետ են:
Որոշ տեսաբաններ կարծում են, որ Բաքու-Թբիլիսի-Ջեյհան նավթամուղի նպատակը Ադրբեջանում եւ Վրաստանում ԱՄՆ-ի եւ Եվրոպական կառույցների դիրքերի ամրապնդումն է: Ըստ նրանց, տեղական կառավարությունները հույս ունեն լուծել իրենց ներքին խնդիրները ԱՄՆ-ի եւ Եվրոպայի միջոցով:
