A
A
Ֆորումի մասնակիցները չեն վճարի մուտքի արտոնագրի համար
Կառավարության որոշմամբ 2016թ. սեպտեմբերի 5-9-ը կայանալիք` Երեխաների սնուցման համաշխարհային 18-րդ ֆորումին մասնակցելու նպատակով ՀՀ ժամանող պատվիրակության անդամ հանդիսացող օտարերկրյա քաղաքացիները կազատվեն մուտքի արտոնագրի տրամադրման համար նախատեսված պետական տուրքի վճարումից: Ըստ հիմնավորման՝ ակնկալվում է, որ ֆորումին կմասնակցեն 200-250 հյուրեր 40 երկրներից, այդ թվում` նախարարներ և բարձրաստիճան այլ պաշտոնյաներ: Ֆորումի աշխատանքների ընթացքում նախատեսվում է այցելություններ դպրոցներ, ծանոթացում դպրոցական սննդի հայաստանյան փորձին, ինչպես նաև միջազգային փորձի փոխանակում:
