A
A
Նաիրիտը վերագործարկելու հույս կա
Նաիրիտցիները կրկին հավաքվել էին կառավարության դիմաց։ Նրանք տեղեկացել էին, որ ներդրողներ են հայտնվել, որոնք ուզում են վերագործարկել Նաիրիտը։ Վարչապետ Կարեն Կարապետյանն այսօր ընդունել է EU ASIA Busines Finance Centre հոլդինգի ներդրողներին։ Ընկերությունն ըստ նաիրիտցիների՝ պատրաստվում է մեկից երկու միլիարդ դոլարի ներդրում կատարել Հայաստանում՝ առաջնահերթ նպատակ ունենալով վերագործարկել Նաիրիտը։ Մոտ երկու ժամ տևած հանդիպումից հետո 11 հոգանոց պատվիրակության անդամները դուրս եկան կառավարության շենքից և ուղևորվեցին էներգետիկայի և բնական պաշարների նախարարություն, թեև խոստացել էին զրուցել նաիրիտցիների հետ։
