Զոհված զինվորների մայրերը՝ կառավարության դիմաց
Այսօր եւս Կառավարության շենքի դիմաց էին խաղաղ պայմաններում զոհված 5 զինծառայողների մայրերը: Նրանք հայտարարում են, իրենց որդիների մահվան հանգամանքները դեռ մինչեւ վերջ պարզված չեն, մեղավորները ՝ պատժված չեն։ Վալերիկ Մուրադյանը Ստեփանակերտի Հայկազուն զորամաս է զորակոչվել 2009 թ-ի նոյեմբերի 20-ին: Զորակոչվելուց 4 ամիս անց՝ 2010 թ-ի մարտի 15-ին, որդու դին հանձնել են ծնողներին։ Մայրը վստահ է՝ տղան ինքնասպան չի եղել, նրան սպանել են։ Նանա Մուրադյանը վստահ է՝ քննիչ Արման Ապրեսյանն ի սկզբանե քրեական գործը տարել է փակուղի։ Ծնողների բողոքներից հետո քրեական գործ է հարուցվել արդեն քննիչների դեմ, որը սակայն արդեն երկրորդ անգամ կասեցվել է։ Նոյեմբերի 7-ին սպասում են, որ դատարանը այս անգամ էլ վերացնի կասեցումը: Մայրը հիմնավոր պատասխան չի ստացել, թե ինչու են գործը կասեցնում:
