Կառավարության նիստում զենքի արտադրության լիցենզիա կտրամադրվի
Վաղը տեղի ունենալիք կառավարության նիստում «ՍՋՍ» ՍՊԸ-ին զենքի արտադրության լիցենզիա կտրամադրվի։ «Լիցենզավորման մասին» Հայաստանի Հանրապետության օրենքի 8-րդ, 26-րդ ու 43-րդ, «Զենքի մասին» Հայաստանի Հանրապետության օրենքի 9-րդ հոդվածներին և Հայաստանի Հանրապետության կառավարության 2002 թվականի դեկտեմբերի 5-ի N 2048-Ն որոշման համապատասխան՝ Հայաստանի Հանրապետության կառավարությունը որոշում է. «ՍՋՍ» (իրավաբանական անձի գտնվելու և գործունեության իրականացման վայրը՝ Հայաստանի Հանրապետություն, քաղ. Երևան, Րաֆֆու փող. 111) սահմանափակ պատասխանատվությամբ ընկերությանը երեք տարի ժամկետով տալ զենքի արտադրության (խոցման միջոցներից ազդանշան արձակելու համար նախատեսված սարքեր) լիցենզիա: «ՍՋՍ» սահմանափակ պատասխանատվությամբ ընկերությունը նախատեսում է իրականացնել զենքի արտադրության (խոցման միջոցներից ազդանշան արձակելու համար նախատեսված սարքեր) գործունեություն: «ՍՋՍ» սահմանափակ պատասխանատվությամբ ընկերությանը զենքի արտադրության լիցենզիա տալու մասին» Հայաստանի Հանրապետության կառավարության որոշման նախագիծն ընդունելուց հետո լրացուցիչ ֆինանսական միջոցներ չեն պահանջվելու և 2016թ. Հայաստանի Հանրապետության պետական բյուջեի եկամուտներում ու ծախսերում փոփոխություններ չեն կատարվելու:
