Դեռ պարզ չէ ավտոերթ կլինի, թե՝ ոչ. Պարզ կլինի հանրահավաքին (տեսանյութ)
«Մերժիր Սերժին» նախաձեռնության անդամ Դավիթ Սանասարյանը «Ա1+»-ի հետ հարցազրույցի պահին իմացավ, որ ՀՀԿ խորհուրդը պաշտոնապես որոշել է Սերժ Սարգսյանին առաջադրել վարչապետի պաշտոնում: ՀՀԿ-ն նիստն արել է արտագնա՝ Ծաղկաձորում. «Հանրապետականը փախել է Երեւանից եւ ընդհատակյա նիստեր է անցկացնում: Ազատ մտածող եւ Հայաստանը սիրող ժողովրդից վախենում են»: «Մերժիր Սերժին» եւ «Քայլ արա» նախաձեռնության անդամներն այսօրվա հանրահավաքից հետո որոշել էին ավտոերթով հասնել Ծաղկաձոր հանրահավաքից հետո. «Հանրահավաքը կլինի, նոր կհասկանանք: Ամեն դեպքում վստահ եմ, որ պարապ չենք մնալու, գործողությունների մեջ ենք լինելու»,- ասաց Դավիթ Սանասարյանը: Իսկ «Ելք» խմբակցության ղեկավար Նիկոլ Փաշինյանն էլ հայտարարեց, որ իրավիճակի փոփոխություն է տեղի ունեցել, ուստի հանրահավաքը 30 րոպեով հետաձգում են. «Մի հատ քննարկենք իրավիճակը, պլաններում որոշակի փոփոխություններ կլինեն, որոնք մասին նաեւ ձեզ տեղյակ կպահենք»:
