Բացել լրահոսը Փակել լրահոսը
A A

ՎԱՐԴԱՆ ՂՈՒԿԱՍՅԱՆԻՆ ՎԻՐԱՀԱՏԵԼ ԵՆ

Մարզեր

Հունիսի 20-ին, առավոտյան ժամը մոտավորապես յոթն անց երեսունի սահմաններում աղիների հետ կապված խնդիրների պատճառով Գյումրու Գալուստ Գյուլբենկյանի անվան վիրաբուժական հիվանդանոց էր տեղափոխվել Գյումրու քաղաքապետ Վարդան Ղուկասյանը: Ձեռնարկվել էին անհրաժեշտ բուժմիջոցառումներ, ինչի արդյունքում քաղաքապետի վիճակը գնահատվել էր բավարար, կեսօրին նա դուրս էր գրվել հիվանդանոցից:

Սակայն երեկոյան նրա առողջական վիճակը վատացել է: Վարդան Ղուկասյանին տեղափոխել են Գյումրիի Սամարիթեր հիվանդանոց, որտեղից էլ Երեւանի «Սուրբ Գրիգոր Լուսավորիչ» բժշկական կենտրոն, ուր եւ ժամը 22:31-ին նրան վիրահատել են: 3 ժամ տեւողությամբ վիրահատությունն անցել է հաջող, վիճակն այժմ գնահատվում է ծանր, բայց կայուն:

«Ցայգ» հ/ը

ք. Գյումրի