Արամի 23-ի խնդիրը դեռ լուծված չէ (տեսանյութ)
«Հայաստանի փոքրիկ երգիչներ» երգչախմբի գեղարվեստական ղեկավար Տիգրան Հեքեքյանի համոզմաբ՝ Արամի 23 հասցեում գտնվող շենքի ձախ կողմի պատը հեռանում է շենքից: Հեքեքյանի խոսքով՝ դիմել են բոլոր պատկան մարմիններին, քրեական գործ է հարուցվել: Արամի 23 հասցե այցելել է նաև Նիկոլ Փաշինյանը և նշել, որ սկսեն աշխատանքները: Բայց մինչև հիմա ոչ մի գործողություն չի եղել: Ըստ Հեքեքյանի՝ Արամի 23-ը բեկումային շենք է: «Կմնա, կդիմակայի, ուրեմն իրավիճակ է փոխվել երկրում, եթե չդիմացավ, ուրեմն ոչ մի բան էլ չի փոխվել, փոխվել են միայն անձինք»: «Հայ փոքրիկ երգիչներ» միջազգային ասոցիացիան նամակ է գրել Մշակույթի նախարարությանը, վարչապետի աշխատակազմի ղեկավարին, Քաղշինության պետին, Երևանի քաղաքապետին և գլխավոր ճարտարապետ Արթուր Մեսչյանին: «Նամակի վերջում գրել ենք՝ պահանջում ենք հարցին տալ հրատապ և վերջնական լուծում, այլապես կնշանակի, որ չի կատարվում վարչապետի հանձնարակականը: Քար լռություն, պատասխանում են միայն Քաղշինությունից, որի պատասխանը տարօրինակ էր և չէր համապատասխանում իրականությանը»: «Եթե Արամի 23-ի շենքը վթարային է դարձել նախորդ քաղաքային իշխանությունների կողմից՝ ՀՀ օրենքների և կառավարության որոշումների կոպիտ խախտումների պատճառով, ապա շենքի փլուզման պատճառը կհանդիսասանա ներկա իշխանությունների անտարբերությունն ու դանդաղկոտությունը»,- ընդգծեց Հեքեքյանը: Մանրամասները՝ տեսանյութում:
