Բացել լրահոսը Փակել լրահոսը
A A

ՊՈԿԵԼ Է 2 ՏՈՆՆԱՅԱՆՈՑ ՏԱՆԻՔԸ

Մարզեր

Արտակարգ պատահար է տեղի ունեցել Շիրակի մարզի Ազատան գյուղում: Պտտաքամին տեղահան է արել մի ավտոտնակի տանիք: Վնասները միայն նյութական են:

Հունիսի 2-ին ժամը 14-ի սահմաններում հորդառատ անձրեւով ուղեկցվող պտտաքամին պոկել էր Շիրակի մարզի Ազատան գյուղի բնակիչ Ռուդիկ Մովսիսյանին պատկանող ավտոտնակի ցինկապատ տանիքը:

Սկսված քամու հզորությունը պատկերացնելու համար ասենք, որ ըստ Ռուդիկ Մովսիսյանի, ցինկապատ այս տանիքը մոտ 2 տոննա քաշ է ունեցել:

Հորդառատ արձրեւի առկայության պատճառով ընկնելու պահին տարածքում ոչ ոք չի եղել: Ջրի բերանն ընկած տաշեղի նմանվող այս տանիքի քաշի, մեծ մակերեսի ու բարձրացնելու տեսանկյունից անհարմարության պատճառով, վերականգնողական աշխատանքներ իրականացնելիս դժվարություններ էր ունեցել նաեւ ավտոկռունկը:

Նյութական վնասի դրամական արտահայտության ու վերականգնելիս հնարավոր աջակցության մասին Ռուդիկ Մովսիսյանը չի մտածում:

Ազատանի գյուղապետ.Վիգեն Իկիլիկյանի հավաստումներով, այս տարածաշրջանի բարդ ռելիեֆի պատճառով, նմանատիպ տարերքներ հաճախ են լինում:

«Ռուդիկը առայժմ գյուղապետարան չի դիմել, եթե դիմի գյուղապետարանը միշտ էլ աջակցություն կցուցաբերի եղած հնարավորությունների սահմաններում »,-ասաց նա:

Գյումրիի «Ցայգ» Հ/Ը