Բացել լրահոսը Փակել լրահոսը
A A

ՎԱՂՎԱՆԻՑ ԳԱԶԱՄԱՏԱԿԱՐԱՐՈՒՄԸ ԿՎԵՐԱԿԱՆԳՆՎԻ

Տնտեսություն


«Ամենայն հավանականությամբ, այսօր կավարտվեն վերականգնողական աշխատանքները եւ ամենաուշը վաղը կվերականգնվի հանրապետության գազամարատակարարումն ամբողջությամբ»,- «Ա1+»-ին տեղեկացրեց «Հայռուսգազարդ» ընկերության մամուլի քարտուղար Շուշան Սարդարյանը:


Մինչ այս պահը օգտագործվել է պահեստարանի գազը:


«Ներքին սպառման պահանջարկն ամբողջությամբ բավարարվում է` օրական 8.5-ից 9 մլն խմ. որեւէ սահմանափակում որեւէ տեղ չունենք»,-ասաց Շուշան Սարդարյանը, եւ ավելացրեց, որ շատ ավելի ծանր ֆորս մաժորային վիճակներ ենք ունեցել, որ կարողացել ենք հաղթահարել:


Հիշեցնենք, որ Վրաստանի գազատրանսպորտային ընկերությունը հունվարի 9-ի առավոտյան պաշտոնապես հայտնել է, որ Ղազախ- Սագուրամո 1000 մմ տրամագծով մայրուղային գազատարի վրա վթարա-վերականգնողական աշխատանքների իրականացման հետ կապված ժամանակավորապես դադարեցվում է Հայաստան բնական գազի մատակարարումը:


«ՀայՌուսգազարդ» - ի մասնագետների խումբն առայժմ Վրաստանում է: