Բացել լրահոսը Փակել լրահոսը
A A
Պաշտոնական

Ստուգայց քրեակատարողական հիմնարկներ

ՀՀ ԱՆ քրեակատարողական հիմնարկներ աշխատանքային այցերի  ընթացքում վերհանված խնդիրների լուծման ուղղությամբ տրված հանձնարարականների կատարումը ստուգելու նպատակով ՀՀ ԱՆ քրեակատարողական ծառայության պետ, ադարադատության գեներալ-մայոր Արթուր Գոյունյանը տեղակալներ, արդարադատության գնդապետներ Ռոբերտ Մինասյանի և Վարդգես Ծաղիկյանի ուղեկցությամբ սեպտեմբերի 27-ին կրկին այցելել է «Սևան» և «Աբովյան» ՔԿՀ-ներ: 

Ծառայության պետը շրջել է հիմնարկներում և գոհունակություն հայտնել նախորդ այցի ընթացքում տրված հանձնարարականները սեղմ ժամկետներում լիովին և պատշաճ կատարելու համար: 

«Աբովյան» քրեակատարողական հիմնարկի շրջայցի ժամանակ ծառայության պետը զրուցել է նաև անչափահաս կալանավորված անձանց հետ, լսել նրանց խնդիրները՝ վերջիններիս ուշադրությունը բևեռելով հատկապես լիարժեք ուսում ստանալու վրա:  



ՀՀ ԱՆ քրեակատարողական ծառայության

հանրային կապերի բաժին