Սիրո տոնի առթիվ Ալեն Սիմոնյանը բանաստեղծություն արտասանեց լրագրողների համար
Աջակցիր «Ա1+»-ինԽորհրդարանական ճեպազրույցների ավարտին «Իմ քայլը» խմբակցության անդամները, ի տարբերություն ԼՀԿ-ի և ԲՀԿ-ի գործընկերների, մոռացան շնորհավորել Սուրբ Վալենտինի օրվա առթիվ։
Լրագրողները նրանց հիշեցրեցին, որ այսօր սիրահարների օրն է։ Խմբակցությունից արձագանքեց Ալեն Սիմոնյանը։
«Շնորհավորում եմ բոլորին սիրո տոնի կապակցությամբ»,-ասաց նա։
Պարոն Սիմոնյանի խոսքին զուգահեռ երաժշտության ձայն լսվեց, ի պատասխան՝ ԱԺ փոխխոսնակը ժպիտով ասաց, թե երաժշտություն պետք չի։
«Մոմեր, երաժշտություն պետք չեն, ուզում եմ ասել, որ սիրելու ու սեր նվիրելու համար պարտադիր չէ սպասել հատուկ օրվա։ Ի սկզբան, մարդիկ ստեղծված են իրար սիրելու, հարգելու համար։ Սիրում ենք բոլորիդ, խոնարհվում ենք բոլորիդ առաջ, հպարտանում ենք բոլորովդ, լավ եղեք»,- ասաց նա։
Այնուհետև նա լրատվամիջոցների ներկայացուցիչների համար բանաստեղծություն արտասանեց, սակայն չցանկացավ, որպեսզի դա տեսաձայնագրվի։
