Բուժաշխատողների շրջանում մեծ է կորոնավիրուսի տոկոսը. ԱՀԿ-ի պաշտոնյա (տեսանյութ)

Ամերիկայի Ձայն

Կովիդ 19 հիվանդությամբ վարակված անձանց տասը տոկոսը կազմում են առողջապահության բնագավառի աշխատակիցները: Այս մասին հայտնում է Առողջապահության համաշխարհային գործակալությունը:

Կազմակերպության տարածքային կառավարման հարցերով տնօրեն Հանս Քլուգեն սա շատ մտահոգիչ հանգամանք է համարում բոլորի համար:

‘’Երեկվա տվյալներով, Իտալիայում կորոնավիրուսով վարակվածներից 6,200-ը բուժաշխատողներ են, ինչը նշանակում է, որ մենք պետք է դիմենք խիզախ այս անձանք մեր բոլոր հնարավորություններով պաշտպանելու քայլերի’’, ասել է նա:

Նրա խոսքերով, կովիդ 19-ի տարածման արագությունը հատկապես մեծ է չորսից հինգ երկրներում: Այդ երկրներն են Իտալիան, Իսպանիան, Ֆրանսիան, Գերմանիան ու Շվեյցարիան:

Դա նշանակում է, որ աշխարհում հիվանդության յուրաքանչյուր տասը դեպքից մոտավորապես վեցը կապված են այս տարածաշրջանի հետ:

Սակայն, չնայած Իտալիայում հիվանդության հետ կապված լուրջ խնդրին, այստեղ նկատվում են հուսադրիչ նշաններ: Այստեղ դանաղել է հիվանդության տարածման արագությունը: ‘’Սակայն դեռ վաղ է ենթադրելու համար, որ Իտալիայում հիվանդությունը նահանջում է’’, ասել է նա:

Վերջին տվյալների համաձայն, կորոնավիրուսի համաճարակի արդյունքում աշխարհում այսօր կա մոտ կես միլիոն վարակակիր: Մինչ այժմ մահացել է 22 հազար մարդ: