Դժվար էր պատկերացնել, որ Վազգեն Սարգսյանի օրոք բանակում կարող էր այսպիսի վիճակ լիներ․ Հ․Սարգսյան (տեսանյութ)

«Մեր զինվորը հերոսական կռիվ տարավ այդ 44 օրերին, բայց, ցավոք, հրամկազմում թշնամիների առկայությունը, գործակալների առկայությունը բերեց նրան, որ ամեն ինչ մսխվեց»,- անդրադառնալով արցախյան պատերազմին «Ա1+»-ի հետ զրույցում ասաց ՀՀ ԳԱԱ աշխատակից, «Համահայկական միաբանություն» հասարակական-քաղաքական նախաձեռնության համակարգող Հրաչյա Սարգսյանը։

Վերջինս ասում է, դժվար է պատկերացնել, որ Վազգեն Սարգսյան վարչապետի օրոք բանակում կարող էր այսպիսի բարձիթողի վիճակ լիներ։ Եվ նա գտնում է, որ 1999թ․ Հոկտեմբերի 27-ի ողբերգական իրադարձությունները չբացահայտելը հանգեցրեց տնտեսական վիճակի վատթարացմանը, և արդյունքում հնարավոր չեղավ լավ պատրաստվել պատերազմին։

«Կարծում եմ, մեր պետության և իրավապահ համակարգի պարտքն է հետևել նոյեմբերի 26-ի ԱԺ մի քանի պատգամավորների այն հայտարարություններին, որ պատերազմում մեր կորուստների հիմքերը հոկտեմբերի 27-ն է»,- ասաց Հ․Սարգսյանը։

Մանրամասները՝   տեսանյութում