Մադրիդյան որ ակումբը 2020 թվականը կավարտի առաջին տեղում. Իսպանիայի Պրիմերա
Աջակցիր «Ա1+»-ինԻսպանիայի ֆուտբոլի Պրիմերայում այսօր կմեկնարկի 16-րդ տուրը:
Առաջին խաղում տեղի կունենան տուրի կենտրոնական հանդիպումը: Մրցաշարային աղյուսակի 6-րդ տեղում գտնվող «Սևիլյան» իր հարկի տակ կընդունի 4-րդ հորիզոնականում ընթացող «Վիլյառեալին»: Այնուհետև, այդ երկու թիմերի միջև գտնվող «Բարսելոնան» սեփական դաշտում քննության կենթարկի 17-րդ տեղը զբաղեցնող «Էյբարին»:
Ինչ վերաբերում է առաջնության երկու առաջատարներին՝ Մադրիդի «Աթլետիկոյին» ու «Ռեալին», որոնք վաստակել են 32-ական միավոր, ապա դրանք հանդես կգան վաղը, դեկտեմբերի 30-ին: Երկու թիմերն էլ կփորձեն շարունակել հաղթարշավը և պահպանել առաջատարի դիրքը:
Իսկ ահա առաջատարներին հաջորդող «Ռեալ Սոսիեդադը» Բիլբաոյի «Աթլետիկի» հետ արտագնա խաղում կփորձի ընդհատել երեք անընդմեջ պարտությունների շարքը: Այնպես որ, բասկյան այս դերբին ավելի սկզբունքային նշանակություն կունենա կողմերի համար:
Նշենք, որ երեք թիմեր՝ «Վալենսիան», «Էլչեն» և «Օսասունան», վերջին հինգ խաղերում հաղթանակ չեն տոնել: Դրանք կաշխատեն ընդհատել խաղերի այդ տխուր շարքը:
16-րդ տուր
29 դեկտեմբերի
20:00 «Սևիլյա» - «Վիլյառեալ»
22:15 «Բարսելոնա» - «Էյբար»
30 դեկտեմբերի
00:30 «Կադիս» - «Վալյադոլիդ»
00:30 «Լևանտե» - «Բետիս»
20:00 «Գրանադա» - «Վալենսիա»
22:15 «Աթլետիկո» - «Խետաֆե»
22:15 «Սելթա» - «Ուեսկա»
31 դեկտեմբերի
00:30 «Էլչե» - «Ռեալ»
17:00 «Աթլետիկ» - «Ռեալ Սոսիեդադ»
19:15 «Օսասունա» - «Ալավես»
