Հայաստանի գեղասահորդները նախապատրաստվում են աշխարհի առաջնությանը
Աջակցիր «Ա1+»-ինՀայաստանի գեղասահորդները նախապատրաստվում են Շվեդիայի մայրաքաղաք Ստոկհոլմում մարտի 22-28-ը անցկացվելիք աշխարհի առաջնությանը:
Ինչպես տեղեկացնում է Հայաստանի ազգային օլիմպիական կոմիտեի պաշտոնական կայքը, մրցաշարը բնույթով նաև վարկանիշային է, քանի որ մեդալներից բացի խաղարկվելու են 2022թ Պեկինում կայանալիք ձմեռային օլիմպիական խաղերի ուղեգրեր:
Թինա Կարապետյան - Սիմոն Սենեկալ պարային զույգը ներկայումս պարապում է Կանադայի Մոնրեալ քաղաքում: Մենասահորդներից Անաստասիա Գալուստյանը մարզվում է Մոսկվայում, իսկ Սլավիկ Հայրապետյանը ՝ Երևանում:
Հավելենք, որ աշխարհի առաջնությունում առաջին 20 տեղերը զբաղեցնող գեղասահորդները կստանան Պեկինի օլիմպիական խաղերին մասնակցելու ուղեգիր: Վարկանիշային վերջին մրցաշարը տեղի կունենա սեպտեմբերին՝ Գերմանիայի Օբերսդրոֆ քաղաքում:
