Դավինչի» տուրիստական ընկերությունից տուժած քաղաքացիների բողոքի ակցիա են իրականացնում Կառավարության դիմաց։

Մենք 2021 թվականի օգոստոս ամսից  «Դավինչի» տուրիստական ընկերությունից ձեռք ենք բերել ավիատոմսեր, տուր փաթեթեներ հանգստի մեկնելու նպատակով։ Շուրջ 170 հոգի քրեական գործի շրջանակներում հանդիսանում են տուժող տուրիստական ընկերության կողմից խոշոր չափի գումարի հափշտակման գործով»,- ասաց տուժողներից մեկը՝ նշելով,որ անցել է արդեն 7 ամիս,բայց դեռ որևէ արդյունք չունեն։

Ըստ ակցիայի մասնակցի՝ գործը փակուղի է մտել,  որևէ մեկը չի առերեսվել, որևէ մեկը տեղեկատվություհն չունի գործի ընթացքից։

«Մեզ համար անհասկանալի է՝ ինչպես կարող է շուրջ 170 հոգուց՝ խաբեությամբ գումար հափշտակած անձը ազատության մեջ գտնվի,և որևէ հույս չկա մեր գումարների փոխհատուցման հետ կապված»,- հայտնեց ակցիայի մասնակիցներից մեկը։

Տուրիստական ընկերության կողմից տուժածները հավաքվել են Կառավարության դիմաց և դիմում են ներկայացնում ՀՀ վարչապետին, գլխավոր դատախազին և քննչական կոմիտեի նախագահին՝  անձնական հսկողության խնդրանքով։ Ակցիայի մասնակիցները ցանկանում են ուշադրության կենտրոնում պահել հարցը և միջոցներ ձեռնարկել, որպեսզի փոխհատուցվեն վնասները, ինչպես նաև հանցագործը կրի պատասխանատվություն։

Ակցայի մասնակիցները պատմեցին, որ իրենք նախ գնացել են Իսահակյան փողոցի վրա գտնվող «Դավինչի» տուրիստական ընկերության մոտ, բայց տեսել են, որ ոստիկանները փակել են մուտքը։ Հետո դիմել են ոստիկանություն,հարցաքննվել են,բայց դրանից հետո հարցը  փակվել է։

Ակցայի մասնակիցներից Գայանե անունով մի կին էլ պատմեց, որ իրենք ցանկացել են Դուբայ գնալ և տուրիստական ընկերությունից փորձել են պարզել,թե որտեղ կարող են ՊՇՌ թեստ հանձնել, բայց աշխատակիցն ասել է՝ դեռ սպասեք։  Դրանից հետո մոտեցել են տուրիստական ընկերության գրասենյակ, սկսվել  է անախորժություններ։ Ըստ ակցիայի մասնակցի իրենց գործը մատնված է անուշադրության և ոչ –ոք ուշադրություն չի դարձնում դրան։

Կառավարության դիմաց այսօր տեղի ունեցավ նաև մեկ այլ ակցիա։ Փարաքար համայնքի ներկայացուցիչները Կառավարությունից պահանջում են նոր ՏԻՄ ընտրություն կազմակերպել՝ նշելով,որ գործող ավագանին պետք է լուծարվի։

Հարցին՝ ինչու պետք է լուծարվի արդեն կազմավորված ավագանին ակցիaji մասնակից «Ապրելու երկիր» կուսակցության համայնքապետի թեկնածու Վալոդյա Գրիգորյանը պարզաբանեց, որ մարդիկ պետք է ներկա լինեին և տեսնեին,թե ինչ էր կատարվում և ինչ ծիծաղելի վճիռ կայացրեց դատարանը։

Մանրամասները՝տեսանյութում։