Բացել լրահոսը Փակել լրահոսը
A A
Տեսանյութեր Պաշտոնական

Հյուսիսային պողոտայի խանութներից մեկում կատարված ավազակությունը բացահայտվել է (տեսանյութ)

Օգոստոսի 6-ի ուշ երեկոյան 1-02 զանգած քաղաքացին հայտնեց, որ Հյուսիսային պողոտայի կոնֆետների խանութում աշխատակցին վախեցրել և գումար են վերցրել: Ոստիկանության օպերատիվ կառավարման կենտրոնից հաղորդումը փոխանցվեց Կենտրոնական բաժին, որտեղից էլ դեպքի վայր մեկնեցին օպերատիվ-քննչական խմբեր:
Խանութի վաճառողուհին տվեց հաղորդում, որ անհայտ անձը, սպառնալիքներ հնչեցնելով, պահանջել է գումար, այնուհետև դրամարկղից հափշտակել է, նախնական տվյալներով, 520 հազար դրամ ու փախել:
Տարածքային քննչական մարմնում ավազակության հատկանիշներով նախաձեռնվեց քրեական վարույթ, իրականացվեցին անհետաձգելի գործողություններ: Ձեռնարկված օպերատիվ միջոցառումների և քննչական գործողությունների շնորհիվ հայտնի դարձավ, որ հափշտակությունը կարող է կատարած լինի մայրաքաղաքի բնակիչ, 35-ամյա մի տղամարդ:
Օգոստոսի 8-ի առավոտյան, ժամը 8.10-ին, իր տան մոտ տղամարդը ձերբակալվեց, ներկայացվեց նախաքննական մարմին և տվեց խոստովանական ցուցմունք:
Ձեռնարկվում են միջոցառումներ՝ գողոնը հայտնաբերելու ուղղությամբ: Նախաքննությամբ հանգամանքները պարզվում են:

`

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: