A
A
Արսեն Հարությունյանը մեդալ նվաճեց, իսկ Արսեն Թևանյանը`ոչ. ըմբշամարտի ԱԱ
Աջակցիր «Ա1+»-ինՀայաստանի ազատ ոճի ըմբիշ Արսեն Հարությունյանը բրոնզե մեդալ նվաճեց այսօր Սերբիայի մայրաքաղաք Բելգրադում ավարտվող ըմբշամարտի աշխարհի առաջնությունում:
Մեր 61 կգ քաշային մարզիկը նախ սփոփիչ մրցամարտ անցկացրեց Ալբանիան ներկայացնող Իսլամ Դուդաևի հետ: Անչափ լարված պայքարում 12:11 հաշվով հաղթեց հայ ըմբիշը: Դրանից հետո Արսեն Հարությունյանը 3-րդ տեղի համար մրցամարտում պարզապես շանս չտվեց ամերիկացի Սիթ Գրոսին, որին մաքուր հաղթեց 4 րոպեի ընթացքում` 12:0:
65 կգ քաշային Արսեն Թևանյանը սփոփիչ առաջին մրցամարտում վստահ հաղթեց բուլղարացի Վլադիմիր Դուբովին` 10:0, իսկ ահա երկրորդում 6:7 հաշվով զիջեց հնդիկ Բայրանգին և դուրս մնաց բրոնզե մեդալի համար պայքարից:
Այդպիսով, Հայաստանի ազատ ոճի ըմբշամարտի հավաքականը ընդամենը մեկ մեդալով կվերադառնա Երևան:
