A
A
Հայաստանի սամբիստները 16 մեդալ նվաճեցին Եվրոպայի առաջնությունում
Աջակցիր «Ա1+»-ինՍերբիայի Նովի Սադ քաղաքում ավարտվեց սամբոյի Եվրոպայի առաջնությունը:
Մրցումային վերջին օրը մեր սամբիստները նվաճեցին ևս երեք մեդալ: Մարզական սամբոյի 58 կգ քաշային կարգում Տիգրան Կիրակոսյանը և մարտական սամբոյի 64 կգ քաշային կարգում Վահրամ Գրիգորյանը հաղթեցին 3-րդ տեղի համար մրցամարտերում և արժանացան բրոնզե մեդալների:
Կանանց մրցաշարում 54 կգ քաշային Վարսիկ Գրիգորյանը հաղթահարելով առաջին երկու արգելքները, մտավ եզրափակիչ: Այստեղ մեր մարզուհին պարտվեց ռուսաստանցի Էլմիրա Կախրամանովային:
Այդպիսով, Հայաստանի սամբիստներն Եվրոպայի տարբեր տարիքային առաջնություններում ընդհանուր առմամբ նվաճեցին 16 մեդալ` 4-ական ոսկի և արծաթ, 8` բրոնզ: Թիմային հաշվարկով Հայաստանը գրավեց 2-րդ տեղը:
