UCOM-Ն առաջարկում է ձեռք բերել PRO որակի սմարթֆոն ամսական 3800 դրամով ու ստանալ բարձրորակ անլար ականջակալ

Ամանորին ընդառաջ մինչև հունվարի 31-ը «Յուքոմ» ընկերությունն առաջարկում է ձեռք բերել Xiaomi Redmi Note 11 Pro հզոր սմարթֆոնը չլսված պայմաններով՝ ամսական ընդամենը 3800 դրամով և ստանալ սուպեր բարձրորակ Xiaomi Buds 3 Lite անլար ականջակալ։

Xiaomi Redmi Note 11 Pro-ն ունի գերհզոր 108 Մպ հիմնական տեսախցիկ, բարձրորակ AMOLED էկրան 120 Հց թարմացման արագությամբ։ Սմարթֆոնն օժտված է արագ լիցքավորման հնարավորությամբ․ 67Վտ հզորությամբ լիցքավորիչն ապահովում է 5000 մԱժ մարտկոցի 100%-անոց լիցքավորումն ընդամենը 43 րոպեում, իսկ 50%-ն՝ անհավատալի 15 րոպեում։ Նշենք, որ Xiaomi Redmi Note 11 Pro-ի հզորությունը, տեսախցիկը, էկրանի որակը և ընդհանուր աշխատանքը համապատասխանում են PRO դասի սմարթֆոներին, բայց գինը 4 անգամ ցածր է բարձր դասի համանման տարբերակներից։ Սա հենց այն առաջարկն է, որը բաժանորդներին չի ստիպի գնալ գին-որակ կոմպրոմիսի։

«Ամանորին ընդառաջ ուզում եմ շնորհակալություն հայտնել Յուքոմի բոլոր՝ թե՛ առկա և թե՛ այս տարվա ընթացքում մեզ միացած 250 հազար նոր բաժանորդներին, Հայաստանի ամենաարագ ֆիքսված և շարժական ցանցն ընտրելու համար։ Այս առիթով ընկերությունը հանդես է եկել բազմաթիվ առաջարկներով՝ թե՛ ռոումինգից օգտվող ճամփորդների, թե՛ խելացի տան պարագաներ կամ հեռուստացույց փնտրողների և թե՛ նոր սմարթֆոն ցանկացողների համար։ Շատ պարագաներ կգտնեք մեգա զեղչերով։ Յուրաքանչյուր բաժանորդ իր համար կգտնի այն, ինչն իրեն անհրաժեշտ է Հայաստանի ամենաարագ ցանցում լավագույն փորձառության համար», - ասել է «Յուքոմ» ընկերության գլխավոր տնօրեն Արա Խաչատրյանը։  

Հավելենք, որ հատուկ առաջարկի շրջանակներում սմարթֆոնը հնարավոր է ձեռք բերել ինչպես կանխիկ՝ ընդամենը 136 900 դրամով, այնպես էլ ապառիկ՝ վճարելով 0% կանխավճար, 0% սպասարկման վճար և 0% տարեկան տոկոսադրույք առաջին 12 ամսվա ընթացքում, ինչի արդյունքում գնորդը կխնայի 16 000 դրամ։