A
A
Աշխարհի և Եվրոպայի չեմպիոնը պարտությամբ սկսեց շախմատի հուշամրցաշարը
Աջակցիր «Ա1+»-ինՀայաստանի շախմատի ակադեմիայում մեկնարկեց «Անդրանիկ Մարգարյան» 13-րդ հուշամրցաշարը:
Գլխավոր մրցաշարում, որտեղ հանդես են գալիս 10 շախմատիստ, այդ թվում 3 գրոսմայստեր, առաջին տուրում հաղթանակ տարավ միայն Էրիկ Չաքրյանը, որը սևերով պարտության մատնեց միակ աղջիկ մասնակցին՝ աշխարհի և Եվրոպայի չեմպիոն Մարիամ Մկրտչյանին: Մնացած չորս պարտիաներն ավարտվեցին ոչ-ոքի:
Զուգահեռ ընթացող 2-րդ մրցաշարում առաջին տուրից հետո աղյուսակը միանձնյա գլխավորում է ռուսաստանցի Նիկոլայ Ավերինը: Նա հաղթել է Ռուդոլֆ Փաշիկյանին: Այստեղ նույնպես 4 պարտիա խաղաղ ավարտ ունեցավ:
Այսօր կկայանան 2-րդ տուրի պարտիաները: Էրիկ Չաքրյանը կհանդիպի Դավիթ Շահինյանի հետ: Մարիամ Մկրտչյանի մրցակիցը ռուսաստանցի գրոսմայստեր Կլիմենտի Սիչևն է:
