Արթուր Ալեքսանյանը հանդիպել է ալավերդցիների հետ (տեսանյութ)
Աջակցիր «Ա1+»-ինԱլավերդու ըմբշամարտի դպրոցի բակում մարզական իրադարձություն է. դիմավորում են 21-րդ դարի սպորտի ասպարեզի ամենատիտղոսակիր հայազգի մարզիկ, հունահռոմեական ոճի ըմբիշ, օլիմպիական չեմպիոն, աշխարհի քառակի չեմպիոն, Եվրոպայի յոթակի չեմպիոն Արթուր Ալեքսանյանին: Հանդիպումը նախաձեռնել և կազմակերպել էր Վալլեքս Գարդեն համալիրը, հայտնում է Անկյուն+3-ը։
Արթուր Ալեքսանյանը հանդիպեց սպորտի բնագավառի ներկայացուցիչների, մարզիկների, ըմբշամարտի դպրոցի սաների, երիտասարդների ու պարզապես մարդկանց հետ, ովքեր ոգևորվել ու ուրախացել էին՝ աշխարհահռչակ չեմպիոնին տեսնելով իրենց քաղաքում:
Հանդիպման ընթացքում Ալավերդու ըմբշամարտի դպրոցի սաները գորգային վարժությունների ընթացքում մարզիկին ներկայացրեցին տեխնիկական և տակտիկական հնարքներ, ամենօրյա պարապմունքներից, մարտերից դրվագներ:
