Անուրանալի է Ձեր ավանդը հայ թատերարվեստի պահպանման, զարգացման ու տարածման գործում․ ԿԳՄՍ նախարարը շնորհավորել է Նիկոլայ Ծատուրյանին
Աջակցիր «Ա1+»-ինԱյսօր հոբելյանական 80-րդ տարեդարձն է նշում հայ թատերարվեստի անվանի ներկայացուցիչ, թատերական գործիչ, ռեժիսոր, ՀՀ ժողովրդական արտիստ, պրոֆեսոր, Գյումրու Վ․ Աճեմյանի անվան պետական դրամատիկական թատրոնի գեղարվեստական խորհրդատու Նիկոլայ Ծատուրյանը։
Հոբելյանի կապակցությամբ Նիկոլայ Ծատուրյանին շնորհավորել է ԿԳՄՍ նախարար Ժաննա Անդրեասյանը:
«Սիրելի՛ վարպետ, անուրանալի է Ձեր ավանդը հայ թատերարվեստի պահպանման, զարգացման ու տարածման գործում։
Ստեղծագործական ու մանկավարժական գործունեության ընթացքում Ձեր բեմադրություններով հարստացրել եք հայ թատերարվեստի տարեգրությունը։
Դուք՝ որպես ուսուցիչ, բազում տաղանդաշատ մասնագետների եք կրթել, որոնք համալրել են տարբեր թատրոնների ստեղծագործական կազմերը և հանդես եկել մեծ բեմերում: Նրանք, վստահաբար, այսօր էլ շարունակում են տարածել Ձեր ստեղծագործական, գեղագիտական արժեքները, թատերական ոճը, ուրույն ձեռագիրը, որը հարազատ ու սիրելի է հանդիսատեսին:
Սրտանց շնորհավորում եմ Ձեզ, մաղթում եմ քաջառողջություն, ամենայն բարիք և ստեղծագործական նորանոր վերելքներ՝ ի նպաստ հայ թատերարվեստի և Հայաստանի Հանրապետության»,- ասված է նախարարի շնորհավորական խոսքում։
