A
A
Հայաստանի շախմատի տղամարդկանց 85-րդ և կանանց 80-րդ առաջնությունների արդյունքները հայտնի են
Աջակցիր «Ա1+»-ինՀայաստանի շախմատի ֆեդերացիայից հայտնում են․
Այսօր Տիգրան Պետրոսյանի անվան շախմատի տուն-մարզադպրոցում տեղի ունեցավ Հայաստանի շախմատի տղամարդկանց 85-րդ և կանանց 80-րդ առաջնությունների փակման արարողությունը:
Եվ այսպես, ամփոփում ենք արդյունքները…
Տղամարդկանց առաջնությունում չեմպիոն դարձավ գրոսմայստեր Ռոբերտ Հովհաննիսյանը, ով 9 հնարավորից վաստակեց 6.5 միավոր:
Արծաթե մեդալակիր դարձավ միջազգային վարպետ Արթուր Դավթյանը՝ 5.5 միավորով:
Լավագույն եռյակը եզրափակեց ՖԻԴԵ-ի վարպետ Սարգիս Սարգսյանը՝ նույնպես 5.5 միավորով: Կանանց առաջնությունում չեմպիոն դարձավ կանանց միջազգային վարպետ Սուսաննա Գաբոյանը, ով վաստակեց 7 միավոր: Արծաթե մեդալակիր դարձավ կանանց ՖԻԴԵ-ի վարպետ Աննա Խաչատրյանը՝ 6.5 միավորով: Լավագույն եռյակը եզրափակեց կանանց ՖԻԴԵ-ի վարպետ Մարիամ Ավետիսյանը՝ 6 միավորով:
Միլենա Գասպարյանը և Նվարդ Հայրապետյանը նույնպես վաստակել են 6 միավոր՝ լրացուցիչ ցուցանիշներով զբաղեցնելով 4-րդ և 5-րդ հորիզոնականները:
Ռոբերտ Հովհաննիսյանը և Սուսաննա Գաբոյանը ստացան Հայաստանի հավաքականում հանդես գալու իրավունք։
Շնորհավորում ենք բոլորին՝ մաղթելով նորանոր ձեռքբերումներ:
