Երևանի քաղաքապետարանն առաջարկում է երկարաձգել վարձակալության պայմանագրերը

Երևանում շարունակվում են ընդհանուր օգտագործման բակային տարածքների բարեկարգման, նոր խաղահրապարակների կառուցման և կանաչ գոտիների ընդլայնման աշխատանքները։ Այս մասին տեղեկացնում է Երևանի քաղաքապետարանը։ 

«Այս գործընթացի շրջանակում անհրաժեշտություն է առաջանում ապամոնտաժել ընդհանուր օգտագործման տարածքներում առկա կարգավիճակ չունեցող շինությունները՝ մասնավորապես ավտոտնակներն ու կրպակները։

Բոլոր այն դեպքերում, երբ ավտոտնակների վարձակալության պայմանագրերն ավարտվել են կամ մոտենում են ավարտին, առաջարկվում է երկարաձգել վարձակալության պայմանագրերը:

Դա կարելի է անել անձը հաստատող փաստաթղթով, նախկին վարձակալության պայմանագրով։ Անհրաժեշտ է ներկայանալ վարչական շրջանի համապատասխան բաժին»,- ասվում է հաղորդագրությունում։