Բացել լրահոսը Փակել լրահոսը
A A

ՀԵՂԵՂՈՒՄՆԵՐ ՇԻՐԱԿԻ ԵՎ ԱՐԱԳԱԾՈՏՆԻ ՄԱՐԶԵՐՈՒՄ

Մարզեր

Օդի ջերմաստիճանի անսպասելի բարձրացման արդյունքում սկսված ձնհալն առաջացրել է Արագած լեռան մերձակայքում գտնվող գյուղերի հեղեղման վտանգ։

Սելավն արդեն ողողել է Արագածոտնի մարզի Նորաշեն, Գեղադիր, Գետաձոր, Ամրի Թազա, Սանգյառ գյուղերը։

Օդի ջերմաստիճանի բարձրացում է սպասվում նաեւ առաջիկա 2 օրերի ընթացքում, որից հետո կգրանցվի նվազում։ Նշված գյուղերի բնակիչների մտավախությունը, սակայն, կապված է հարավից փչող տաք քամու հետ, ինչը կարող է նպաստել ձնհալի ուժեղացմանը։

Տեղերում այսօր ուսումնասիրություններ էր կատարում կառավարությանն առընթեր Արտակարգ իրավիճակների վարչության աշխատախումբը։