A
A
Հայաստան գազ չի մտնում
Այսօր՝ ժամը 10:50-ից ժամանակավորապես դադարեցվել է Հայաստան բնական գազի մատակարարումը։
«ՀայՌուսգազարդ» ՓԲԸ-ին այս մասին պաշտոնապես տեղեկացրել է Վրաստանի գազատրանսպորտային ընկերությունը։
Վրացական ընկերությունը նախատեսում է վթարավերականգնողական աշխատանքներ իրականացնել Հյուսիսային Կովկաս-Անդրկովկաս 1000 մմ մայրուղային գազատարի 67-68-րդ կմ հատվածում:
Վրացական կողմի հավաստմամբ, աշխատանքները կիրականացվեն ամենասեղմ ժամկետներում:
«ՀայՌուսգազարդ»-ի մամլո ծառայությունը փոխանցում է, որ հայ սպառողների գազամատակարարումը կիրականացվի առանց սահմանափակումների։
