A
A
Պայթյունից դուռը տեղահան է եղել
Երեկ երեկոյան Վանաձոր քաղաքի Տիգրան Մեծի պողոտայի թիվ 29 շենքի 23-րդ բնակարանում տեղի է ունեցել պայթյուն` գազից:
Տեղում պարզվել է, որ պայթյունից տեղահան է եղել Վ.Մարտիրոսյանին պատկանող տան խոհանոցի դուռը, զոհեր և վիրավորներ չկան:
Գազի արտահոսք
Հունվարի 23-ին`ժամը 21.46-ին Երևան քաղաքի Սեբաստիա փողոցում` Եռաբլուր պանթեոնի դիմաց, «Կայզեր» տաքսի ծառայությանը պատկանող «Նիսսան» մակնիշի 2202 Տ պետհամարանիշի (վարորդ` Գաբրիել Տեր-Կարապետյան) ավտոմեքենան բախվել է ճամփեզրի գազատար խողովակին, ինչի հետևանքով տեղի է ունեցել գազի արտահոսք. առկա է հրդեհի բռնկման վտանգ:
Դեպքի վայր է մեկնել մեկ մարտական հաշվարկ:
«1-04» ծառայության աշխատակիցները փակել են գազի արտահոսքը:
Այս մասին հաղորդում է ԱԻՆ մամլո ծառայությունը։
