A
A
Զինվոր է սպանվել
Այսօր հայտնի է դարձել, որ հունվարի 27-ին, ժամը 03:05-ի սահմաններում Լեռնային Ղարաբաղի զորամասերից մեկի մարտական դիրքում ստացած հրազենային մարմնական վնասվածքից տեղում մահացել է նույն զորամասի ժամկետային զինծառայող, շարքային Փայլակ Շահնազարյանը:
Սպանություն կատարելու կասկածանքով շաբաթ օրը ձերբակալվել է նույն զորամասի ժամկետային զինծառայող, եֆրեյտոր Խաչատուր Սարգսյանը:
«Ազատություն» ռադիոկայանի փոխանցմամբ՝ Հայաստանի պաշտպանության նախարարության քննչական ծառայության երրորդ կայազորային քննչական բաժնում Քրեական օրենսգրքի 104 հոդվածի 1-ին մասով նախատեսված հանցագործության հատկանիշներով (սպանություն) հարուցվել է քրեական գործ եւ կատարվում է նախաքննություն:
Փայլակ Շահնազարյանը Հայաստանի Տավուշի մարզից էր։
