Վիկտոր Շենդերովիչը՝ «Ա1+»-ի եթերում
Այսօր՝ Երեւանի ժամանակով 15.20-ին «Հետգրություն» հաղորդաշարի հյուրը կլինի հայտնի գրող, հրապարակախոս, ռադիո եւ հեռուստահաղորդավար Վիկտոր Շենդերովիչը։
Հաղորդումը եթեր կհեռարձակվի ժամը 15.20-ին, կրկնությունը՝ 19.20-ին։
Ռուսաստանի եւ հետխորհրդային երկրների հասարակությունը նրան ճանաչում է որպես շիտակ եւ ազատ խոսքի ջատագովի, ընդդիմադիր դիրքորոշում ունեցող մտավորականի։
2010 թվականին Շենդերովիչը ստորագրել է Ռուսաստանի ընդդիմության՝ «Պուտինը պետք է հեռանա» խորագիրը կրող հայտարարությունը։
2011 թվականից նա վարում է ինտերնետում հեռարձակվող Հանրային հեռուստատեսության «Կարճ ասած» («Короче!») եւ «Չամիչ՝ բլիթից» («Изюм из булки») հաղորդումները։
Լրագրողական եւ քաղաքացիական դիրքորոշում ունեցող հանրույթներին հատկապես հոգեհարազատ է Շենդերովիչի «Խոսքի ազատությունը՝ Ռուսաստանում- մեկնում եւ ետդարձ» դասախոսությունը։
