Գոլֆի գնդակի չափ կարկուտ` ԱՄՆ-ում
Ամերիկյան մի շարք նահանգներում չեն դադարում տորնադոները։ Երեկ՝ մարտի 2-ին կործանարար փոթորիկ է եղել ԱՄՆ-ի Ինդիանա, Կենտուկի, Ալաբամա և Օհայո նահանգներում։ Նախնական տվյալներով, զոհվել է առնվազը 28 մարդ։
Տարերային աղետը գետնին է հավասարեցրել ու քարուքանդ արել բազմաթիվ տներ, գետնել էլեկտրական սյուներեր, արմատախիլ արել ծառեր, տեղից պոկել ավտոմեքենաներ,- տեղեկացնում է «Vesti.ru»-ն։
Հիմնական հարվածը, սակայն, հասցվել է Ինդիանա նահանգին։ Այստեղ տարերքը երկրի երեսից սրբել է Մէրիսվիլ քաղաքը։
Աղետի գոտու մի շարք վայրերում փոթորիկն ուղեկցվել է ջրհեղեղներով ու կարկուտով։ Ալաբամայում տեղացել է գոլֆի գնդակի մեծության կարկուտ, որի պատճառով լուրջ վնասվածքներ է կրել տեղի բանտը։
Աղբյուրը հայտնում է, որ բանտում իրենց պատիժը կրող 2 հազար բանտարկյալներից ոչ ոք չի փախել։
