Հինգ միլիոնի էլեկտրալար են գողացել
Ապրիլի 4-ին, ժամը 13.00-ի սահմաններում, ոստիկանության Գյումրիի բաժնի ծառայողները, գողություն կատարելու կասկածանքով, բերման են ենթարկել 3 երիտասարդի:
Նրանք խոստովանել են, որ մարտի 25-ի գիշերը Գյումրի քաղաքի մանկական հիվանդանոցի շինհրապարակից գողացել են տարբեր տեսակի 2.200 մետր էլեկտրալար:
Պատճառված նյութական վնասը կազմում է 5.000.000 դրամ:
Գողոնը մասամբ առգրավված է:
Կատարվում է նախաքննություն:
Բռնել են գողին
Ապրիլի 4-ին, ժամը 13.30-ին, ոստիկանության Արտաշատի բաժնի ծառայողները, գողություն կատարելու կասկածանքով, Իսակովի փողոցից բերման են ենթարկել 20-ամյա մի երիտասարդի:
Պարզվել է, որ նա փողոցում կայանված մի ավտոմեքենայից գողացել է ձայնարկիչ, 2 բարձրախոս և շարժիչի ալյումինե կափարիչ:
Կատարվում է հետաքննություն:
Այս մասին հայտնում է ոստիկանության մամլո ծառայությունը։
