Սառցակուտակում կամրջի տակ
Ապրիլի 10-ին Շիրակի մարզի Եղնաջուր գյուղում համանուն գետի վարարման հետևանքով ջուրը դուրս է եկել հունից և լցվել բնակելի տարածքներ:
Դեպքի վայր է մեկնել Ամասիայի հրշեջ-փրկարարական ջոկատի օպերատիվ խումբը:
Պարզվել է, որ գյուղի կամրջի տակ առաջացել է սառցակուտակում, ջուրը դուրս է եկել հունից և լցվել Նաիրի Հախվերդյանին պատկանող տարածք:
Գյուղացիների և փրկարարների համատեղ ուժերով կամրջի տակ կուտակված սառցաբեկորները մաքրվել են, գետի հունը` վերականգնվել:
Վտանգ անցորդների համար
Երեկ, 19.47-ին Փրկարար ծառայությունում ահազանգ է ստացվել, որ Երևանի Բաշինջաղյան 1-ին նրբանցքի թիվ 22 շենքի 3-րդ հարկի պատի քարերը թուլացել և թափվում են՝ վտանգ ներկայացնելով անցորդների համար:
Դեպքի վայր են մեկնել հատուկ փրկարարական ջոկատի հերթապահ և ՃԿԿ օպերատիվ խմբերը:
Տեղում պարզվել է, որ շենքից պատից պոկվել է երեսպատման մի քանի քար և առկա է ևս մի քանի քարի փլուզման վտանգ:
Փրկարարներն իրականացրել են սպառնալիք ներկայացնող քարերի ապամոնտաժման աշխատանքներ:
Այս մասին հայտնում է ԱԻՆ մամլո ծառայությունը
