Վթար Արշալույս գյուղի մոտ
Հունիսի 8-ին, ժամը 03.05-ին ավտոպատահար է տեղի ունեցել Երևան-Արմավիր ավտոճանապարհի 27-րդ կմ-ում` Արշալույս գյուղի մոտ:
Դեռևս չպարզված հանգամանքներում «ԳԱԶ-24» մակնիշի 32 ՏՕ 862 պ/հ ավտոմեքենան դուրս է եկել ճանապարհի երթևեկելի մասից և գլորվել ձորը:
Պատահարի հետևանքով վարորդ` 1976 թ. ծնված Երվանդ Առաքելյանը և ուղևոր` 1975 թ. ծնված Արթուր Ծատուրյանը ստացել են տարբեր մարմնական վնասվածքներ ու տեղափոխվել Վաղարշապատի հիվանդանոց:
Ըստ բժիշկների` տուժածների առողջական վիճակը բավարար է:
Բախվել են մեքենաներ
Հունիսի 8-ին ոստիկանությունից հայտնել են, որ ժամը 20.15-ի սահմաններում Երևան-Գյումրի ավտոճանապարհի 51-րդ կմ-ում տեղի է ունեցել ավտոպատահար:
Դեռևս չպարզված հանգամանքներում բախվել են «Ֆորդ» մակնիշի 27 ՍԼ 507 պ/հ (վարորդ` 1951 թ. ծնված Հերբերտ Մկրտչյան) և «Նիսսան» մակնիշի 24 ՍՍ 795 պ/հ (վարորդ` 1975 թ. ծնված Հովսեփ Մարգարյան) ավտոմեքենաները:
Պատահարի հետևանքով «Նիսսան» մակնիշի ավտոմեքենայի ուղևորներ` 1962 թ. ծնված Հակոբ Մկրտչյանը և 1967 թ. ծնված Գոռ Կռնչոյանը ստացել են տարբեր մարմնական վնասվածքներ ու տեղափոխվել Թալինի հիվանդանոց:
Բժիշկների գնահատմամբ` տուժածների առողջական վիճակը բավարար է: Այս մասին հայտնում է ԱԻՆ մամլո ծառայությունը։
