«Սենդի»-ն մթնեցրեց Ամերիկան
ԱՄՆ-ում եւ Կանադայում «Սենդի» փոթորկի զոհ են դարձել ԱՄՆ և Կանադայի 13 քաղաքացիներ։
Փոթորկի պատճառով ջրով ողողվել ու հոսանքազրկվել է Նյու Յորքի Մանհեթեն թաղամասը, ջրի տակ է անցել Նյու Յորքի մետրոն։ Մերիլենդ նահանգում տեղացած ձյունը հասնում է 70սմ։
ԱՄՆ-ում առանց էլեկտրաէներգիայի են մնացել ավելի քան 6 մլն. մարդ։
Ինչպես հաղորդում է New York Times-ը, Նյու- Յորքի համալսարանային հիվանդանոցից տարհանվել են 215 հիվանդներ, քանի որ հիվանդանոցը մնացել է առանց էլեկտրաէներգիայի։
Ըստ «Ամերիկայի ձայնի» ԱՄՆ-ի նախագահ Բարաք Օբաման հորդորել է փոթորկի ճանապարհին ընկած տարածքների բնակչությանը չանտեսել էվակուացման կարգադրությունները, քանի որ դրանք կատարումից կախված է մարդկանց կյանքը:
«Սենդի» անվանումը կրող փոթորիկը շարժվել է դեպի ԱՄՆ-ի ատլանտյան ափ, որտեղ այն կմիանա ձմեռային փոթորկային երկու այլ համակարգերի հետ: Նման համակցությունն այսպիսով կկազմի մեկ «գերփոթորիկ», որը կդառնա մեծ ուժգնության քամիների, անձնրևների, ջրհեղեղների և, որոշ վայրերում՝ ձյան պատճառը:
