Սիրով ստեղծված տիկնիկները Երեւանին պետք չե՞ն (տեսանյութ)
Գրեթե 6 տասնամյակ մեկ հելյունով զարմանահրաշ կերպարների իր ինքնատիպ աշխարհն է ստեղծել ժողովրդական վարպետ Մանիկ Աթաջանյանը:
Նրա 56 տարվա կյանքի ընկերն ու գործընկերը Գրիշա Մկրտչյանը կնոջը հիշելիս լցվում է հպարտությամբ։
Սայաթ Նովա, Ալեքսանդր Պուշկին, Գ. Նժդեհ, Վազգեն Սարգսյան՝ այս կերպարները կերտելիս երկար ժամանակ է հարկավոր եղել տիկին Մանիկին:
Ամուսինները միասին ծնունդ են տվել բազմաթիվ երգերի, երկուսն էլ տիրապետում են ժողովրդական մի քանի գործիքի: Համերգներով հանդես են եկել մի շարք մարզերում: Սակայն արդեն 4 տարի է,որ տիկին Մանիկը հեռացել է կյանքից՝ Գրիշա Մկրտչյանին թողնելով իր ստեղծած աշխարհը։
Գրիշա Մկրտչյանը մեծ խնամքով է պահում կնոջ կողմից ստեղծված դեկորատիվ արվեստի նմուշները, սակայն նա արդեն 81 տարեկան է և նրան անհանգստացնում է թանգարանի ապագան. «Թանգարանը մեծ սիրով կնվիրեմ Երևան քաղաքին,որպիսի ինձանից հետո այս ամբողջ հարստությունները պահվի հայ ազգի համար»։
Պարոն Մկրտչյանը դիմել է մշակույթի նախարարությանը,որտեղից պատասխանել են, որ քաղաքապետարանը պիտի տա այդ հարցի լուծումը,քաղաքապետարանից պատասխանել են. «Նպատակահարմար չենք գտնում այդ թանգարանը նվիրատվություն ընդունենք և Երևան քաղաքում տեղադրենք»։
Գրիշա Մկրտչյանը ապրում է հավատով ,որ երբևէ կնոջ անունով թանգարանը տեր կունենա և մարդիկ կկարողանան հիանալ այս աշխատանքներով։
